नमस्कार मंडळी,

प्रत्येक माणसात काही ना काही कला ही असतेच. काहींना त्याची जाणीव असते तर काहींना नसते. ज्यांना जाणीव असते ते लोक त्या कलेला छंद किंवा हौस म्हणून जोपासतात तर काही त्याचा करिअर म्हणून उपयोग करून घेतात. काहींच्या बाबतीत त्यांची आवड हे त्यांचे करिअर होऊ शकत नाही. असे लोक सुद्धा आपली हौस किंवा छंद फुलवण्याची संधी शोधत असतातच.
आपल्या दातार कुलमंडळातर्फे, दातार, आगरकर, आघरकर, आघारकर, वर्तक, फडणीस या कुळातील अशा लोकांचा विदा गोळा करत आहोत. यासाठी या विषयी सहभागी होऊ इच्छिणाऱ्या प्रत्येकाने सोबत दिलेल्या फॉर्म भरून द्यावा. यात आपले छंद/ आवडी यांची माहिती भरून द्यायची आहे.
दातार कुलमंडळाच्या सांस्कृतिक विभागाचाचा मुख्य उद्देश हा आहे की आपण ठराविक बजेट ठेऊन काही सांस्कृतिक कार्यक्रम करणार आहोत. यात गायन, वादन, नृत्य, कवितावाचन, अभिनय, अभिवाचन, ग्रुपचे सादरीकरण, एकपात्री सादरीकरण, कथावाचन, लेखन, चित्रकला या आणि अशा अनेक वेगवेगळ्या कार्यक्रमांचे आयोजन करणार आहोत.

थोडक्यात दातार कुलमंडळच्या सभासदांमधील अशा गुणवत्तेसाठी स्टेज किंवा संधी देण्याचा प्रयत्न करणार आहोत. हा फॉर्म भरून लवकरात लवकर आम्हाला पाठवा

सांस्कृतिक विभागाची जबाबदारी श्री राजेश दातार, सौ शिल्पा दातार, आणि सौ मधुरा टापरे आघारकर हे पाहणार आहेत.

दातार कुल मंडळ