नोंद घेण्याजोगे

Dr Nikhil ‘s PIL of Living Will

वैद्यकीय इच्छापत्र

आपले वैद्यकीय उपचार कसे केले जावेत , आयुष्याच्या अंताला किती वैद्यकीय आधार आपल्याला देण्यात यावा , मृत्यूपश्चात अवयवदान , याचा विचार आधीच करून ठेवणे म्हणजे वैद्यकीय इच्छापत्र – Living Will तयार करणे. याविषयी आपल्याकडे मान्यता मिळाली तरीही त्याची यंत्रणा उपलब्ध नव्हती. अर्ज कसा करावा , कोणाकडे जावे याविषयी नागरिक आणि सरकारी यंत्रणा दोघेही अनभिज्ञ होते. यासाठी डॉ. निखिल दातार यांनी सर्वोच्च न्यायालयात जनहित याचिका ( Public Interest Litigation ) दाखल केली होती .

सर्वोच्च न्यायालयाने यावर आपली भूमिका स्पष्ट करण्याचे आदेश केंद्र आणि राज्य सरकारला दिले .

या आदेशाची अंमलबजावणी म्हणून , ही यंत्रणा राबवण्यासाठी ३८८ अधिकार्‍यांची नियुक्ती केली आहे, असा दावा राज्य सरकारने उच्च न्यायालयात केला आणि या अधिकार्‍यांची नियुक्ती केली. एका जागृत नागरिकाने समाजाच्या हितासाठी सुरू केलेल्या या लढ्याला पहिलं यश मिळालं आहे.

यापूर्वी स्त्रीरोगतज्ञ आणि कायद्याचे पदवीधर असलेल्या डॉ. निखिल दातार यांनी सर्वोच्च न्यायालयात चौदा वर्ष एकहाती लढा दिल्याने देशाचा गर्भपात कायदा बदलला आहे.

यापुढे देखील Death with Dignity – सन्मानपूर्वक मरण हा हक्क भारतीय नागरिकांना मिळवून देण्यासाठी ते प्रयत्नशील राहणार आहेत .